Comunidades Enerxéticas no mundo rural: retos, oportunidades e realidades. Formando a formadores e decisores

• Autor: OEGA
• 0 Comentarios

O OEGA organiza unha xornada de formación sobre Comunidades Enerxéticas Rurais. Será o 23 de novembro de 2023, no Salón de Graos da Facultade de Ciencias Económicas e Empresariais, dentro do Campus de Lagoas-Marcosende da Universidade de Vigo.

O obxectivo desta xornada é contribuír a entender as oportunidades que se abren para o medio rural cando os actores locais (concellos, cidadáns, autónomos, organizacións sociais e profesionais, etc) son protagonistas da transición enerxética cara a un sistema descentralizado, democrático e ecolóxico.

De forma específica, mediante presentacións curtas, dinámicas e de actores diversos chegados desde todo o Estado español a xornada tamén pretende:

• Mostrar as dinámicas sociais colectivas que propician o desenvolvemento das comunidades enerxéticas
• Compartir as solucións xurídicas que acompañan á xestión colectiva das comunidades enerxéticas
• Presentar as propostas tecnolóxicas adaptadas aos núcleos rurais para o desenvolvemento de comunidades enerxéticas
• Repasar os modelos de negocio dispoñibles para propiciar o desenvolvemento de comunidades enerxéticas no medio rural
• Presentar iniciativas diversas en curso para observar as diferenzas entre elas, distintas dimensións….

A actividade organizada polo OEGA, insírese dentro do proxecto Life EC4RURAL, financiado pola Unión Europea e conta co apoio e colaboración do Centro de Investigación Interuniversitario dás Paisaxes Atlánticas Culturais (CISPAC), centro interuniversitario do Sistema Universitario Galego (SUG).

O programa está en marcha e compartirase en breve tempo. Calquera información adicional a este e-mail. Existe a posibilidade dunha preinscrición mediante este formulario.