OEGA parte de consorcio europeo en proxecto Life para impulsar a transición cara ás enerxías limpas nas zonas rurais

• Autor: OEGA
• 0 Comentarios

Cun orzamento de 1,6 millóns de euros, o proxecto EC4RURAL está co-financiado polo Programa Life e desenvolverase no período 2023-2027. A Universidade de Vigo lidera o consorcio multidisciplinar que inclúe á Universidade de Tartu (EE), a Federación Galega de Municipios e Provincias (ES), a Asociación de Cidades e Municipios de Estonia (EE), a Axencia Rexional da Enerxía de Tartu (EE), Sapiens Energia (ES), a Unión LEADER de Estonia (ELU), Espazocoop Unión de Cooperativas Galegas (ES), a Fundación Juana de Vega (ES) e a Asociación Europea de Grupos LEADER para o Desenvolvemento Rural (BE).

“Fostering local compromiso for Clean Energy Transition in Rural Areas through Energy Communities” (Fomento do compromiso local para a transición cara ás enerxías limpas nas zonas rurais a través de Comunidades Enerxéticas) é o título dun novo proxecto europeo liderado pola Universidade de Vigo. O proxecto está cofinanciado polo Programa LIFE, dentro do subprograma Clean Energy Transition, e foi aprobado tras un proceso moi competitivo. O proxecto comezou o pasado 1 de setembro de 2023 e terá unha duración de 48 meses.

EC4RURAL impulsará a creación de Comunidades Enerxéticas en municipios rurais. No caso de Galicia están presentes os concellos de Avión, Becerreá, Entrimo, Mazaricos, Moeche, Monterroso, Muíños, Muras, Ordes, Ourol, Outes, Palas de Rei, A Pobra do Brollón, O Rosal, Salvaterra de Miño, Silleda, Sober, Tomiño, Tordoia, O Valadouro, Vedra e Vilasantar. Case 94.000 habitantes viven nestes municipios, cunha superficie total de case 2.700 hectáreas.

O proxecto EC4RURAL ten como obxectivo axudar a profundar e transformar as relacións entre as autoridades locais e rexionais e as comunidades rurais para contribuír á transición cara a unha enerxía limpa en Europa, garantindo ao mesmo tempo a participación activa das zonas rurais e os actores locais, asegurándose de que non queden atrás. O proxecto garantirá que as comunidades rurais formen parte e benefíciense dos procesos de transición cara a enerxías limpas liderados por comunidades que producen electricidade mediante paneis fotovoltaicos.

A UVIGO é a entidade coordinadora. E o coordinador do proxecto é o profesor Xavier Simón, responsable do Observatorio Eólico de Galicia. A reunión de lanzamento do proxecto tivo lugar os días 20 e 21 de setembro no Edificio Redeiras da UVIGO.

Más información do proxecto na súa web, ou directamente a este email.