Mellora das ferramentas de análise económica e financeira das comunidades enerxéticas

• Autor: OEGA
• 0 Comentarios

O Observatorio Eólico de Galicia (OEGA), en colaboración co proxecto EC4RURAL, continúa o traballo en torno á análise económica e financeira das comunidades enerxéticas. As melloras actuais son o resultado das achegas de diversos usuarios que traballaron durante estes meses coas ferramentas.

Por unha banda, para facilitar o uso das ferramentas xa coñecidas elaboráronse uns vídeos explicativos que guían ás persoas usuarias no seu manexo e aproveitamento. Estes recursos audiovisuais complementan as guías prácticas previamente publicadas, en torno a:

• Plan de Viabilidade Económica. Accede ao vídeo aquí.
• Análise Económica. Accede ao vídeo aquí.
• Avaliación dos resultados económicos observados. Accede ao vídeo aquí.
• Actualización do Plan de Viabilidade Económica. Accede ao vídeo aqui.

Esta actualización do plan de viabildiade, explicada no último vídeo, incorpora novas funcionalidades que melloran a súa precisión e adaptabilidade. Pódese descargar a nova versión:

Entre as melloras destacadas desta versión inclúense:

• Personalización do número de socios: Agora é posible definir ata un máximo de 25 socios, podendo indicar o consumo real de cada un.

• Cálculo automático da superficie necesaria: A ferramenta estima automaticamente o espazo requirido para a instalación, optimizando a planificación do proxecto.

Aínda que se engadiron estas novas funcionalidades, a estimación dos resultados esperados da instalación enerxética comunitaria mantén a coherencia coa versión inicial da ferramenta.

Con estas actualizacións, o OEGA e o proxecto EC4RURAL reafirman o seu compromiso coa promoción e desenvolvemento das comunidades enerxéticas en Galicia, proporcionando ferramentas e recursos que faciliten a súa viabilidade e eficiencia.