O desenvolvemento de comunidades enerxéticas en Navarra, Álava e outros territorios

• Autor: OEGA
• 0 Comentarios

A xornada Comunidades Enerxéticas no mundo rural: retos, oportunidades e realidades. Formando a formadores e decisores, celebrada o pasado 23 de novembro de 2023 na Facultade de Ciencias Económicas e Empresarias da UVIGO estivo organizada polo Observatorio Eólico de Galicia (OEGA).

O OEGA é unha ferramenta de investigación, información, asesoramento e consulta para todas as persoas, empresas e colectivos interesados na enerxía eólica de Galicia que naceu da colaboración entre a Fundación Isla Couto, a Fundación Juana de Vega, a Fundación Paideia Galiza, a e a Universidade de Vigo. Esta alianza público-privada é indispensable para formar tratar de cooperar no camiño de facer partícipes aos colectivos rurais dos procesos de transición enerxética.

Esta xornada formou parte do programa de actividades do proxecto EC4RURAL, un proxecto LIFE que comezou en setembro de 2023 financiado con 1,6 millóns de euros. Liderado pola Universidade de Vigo, conta con dez socios entre España, Estonia e Bélxica, e xuntos impulsarán á transición cara as enerxías limpas nas zonas rurais europeas a través das Comunidades Enerxéticas en 34 concellos (22 galegos e 12 estonianos) ata agosto de 2027.

A actividade contou coa participación de máis de 70 persoas e colectivos de ámbitos tan diversos como as administracións locais, os grupos de desenvolvemento rural, as comunidades de montes, as pequenas distribuidoras de enerxía, asociacións de consumidoras, profesionais das empresa enerxética etc.

Vídeos dispoñibles. O desenvolvemento de comunidades enerxéticas en Navarra, Álava e outros territorios

Experiencia das Comunidades Enerxéticas de Álava

Rafael Larreina, presidente da Red de Comunidades Enerxéticas S. Coop. Navarra, contextualizou a rede de comunidades e preentounos os tres modelos comúns da maioría das comunidades enerxéticas do rural e do traballo en fomentar os procesos participativos, empoderando ás persoas para cambiar o modelo de xestión da enerxía.

https://tv.uvigo.es/video/656df1725d728f74310c4762

Comunidade Enerxética Urroztarra, Navarra

Carmentxu Etxarte, presidenta da Comunidade Enerxética Urroztarra, esclareceu a súa experiencia na cooperativa, os seus logros, as súas dificultades pasadas e futuras, e a ilusión por continuar crecendo e formando parte das comunidades enerxéticas.

https://tv.uvigo.es/video/65671a415d728f40622faa36

Comunidade Enerxética Garesbide. Nafarroa

Raquel Campillo, presidenta da Cooperativa Garesbide de iniciativa social, tratou a experiencia da súa comunidade, os seus retos e as dificultades da súa cooperativa, sen esquecer a ilusión por continuar e mellorar nas iniciativas locais de fortalecemento do tecido social e rural.

https://tv.uvigo.es/video/65671a425d728f4066719fe2