Reclamamos humanizar as renovábeis para impulsar o seu apoio social

• Autor: OEGA
• 0 Comentarios

Continuando coa liña de traballo do Observatorio Eólico de Galicia que despregou todos os seus medios para reclamar unha maior participación das comunidades rurais nos procesos de transición enerxética, participamos no diálogo audiovisual titulado “Humanizando as renovábeis’ entre voces humanistas sobre o despregamento das enerxías renovábeis no territorio. Son as voces da escritora, editora e tradutora Anna Punsoda en Cataluña, da artista, poeta, actriz e xestora cultural Lucía Camón, no caso de Aragón e do responsable do Observatorio Xavier Simón, no caso de Galicia.

Estes vídeos forman parte do proxecto ‘Renovábeis co territorio: unha visión compartida’ da Rede Española para o Desenvolvemento Sostible (REDS-SDSN Spain). A roteiro deste proxecto materializouse nun catálogo de 50 accións que pretende orientar a administracións públicas, empresas e axentes do sector para asegurar que a transición enerxética sexa sostible a nivel ambiental e beneficiosa para as comunidades locais, ao mesmo tempo que incentive a participación social e respecte o patrimonio cultural e natural de cada territorio.

No diálogo aberto entre os participantes identificáronse un conxunto de boas prácticas cuxa incorporación aos modelos de transición enerxética é inescusable. Entre elas, mencionamos as seguintes:

• Unha participación temperá das comunidades locais para influír nos proxectos (localización da planta, das liñas de evacuación, precaucións ambientais…).
• A apertura á participación cidadá no investimento da planta.
• O uso compartido do chan da planta renovable con outros usos previos ou con outras fontes de enerxía.
• O fomento de emprego local nas plantas ou en instalacións industriais asociadas.
• O acceso a enerxía máis barata ás empresas e comunidades locais, así como a persoas vulnerables.
• Evitar, custe o que custe, a implantación das enerxías renovables en zonas protexidas ou de alta sensibilidade ambiental.
• Evitar o uso da expropiación forzosa dos terreos.
  

A consideración e posta en marcha destas boas prácticas é necesaria para que as persoas que viven na zona da instalación percíbana como boa para o seu pobo, máis aló das súas bondades a nivel global

Se queres, podes visualizar o vídeo completo e os fragmentos das tres voces protagonistas na canle de Youtube de REDS-SDSN Spain pichando aquí.

Se o que desexas é coñecer a Folla de Roteiro de ‘Renovables co territorio: unha visión compartida’ , podes acceder aquí.